ازاى نمشي بسهوله جداً على الحبل؟؟؟ …………………اللى بيمشي على الحبل بيكون طوله مترين او اقل ومع ذلك بيمسك عصايه طولها ٨ متر او اكتر طب ليه ؟؟؟؟ العصاية دى بتساعده انه يشعر باى عدم اتزان مهما كان خفيف وبكده يلحق نفسه ويظبط الميل بسرعه قبل ما يقع العصايه عنده هى المقياس اللى بيعرفه اد ايه هو متوازنالعصاية دى عندنا هى القلب القلب دقيق جداً جداً في ادراك مدى الإتزان العاطفي من عدمهطول ما انا متزن وقلبي يشعر بالراحة يبقى انا ماشي صح على الحبل وحافظ توازنىاول ما الاقي قلبي منزعج وجواه شعور مش عاجبنى ولا مريحنى اعرف على طول ان العصايه مالت سواء يمين او شمال فارجع بسرعه اعمل الوزنه قبل ما اقع في مشاكل صحيه ونفسيهشعرت بشوية قلق ————> استدعي شعور الطمأنينةشعرت بشوية خوف ————-> استدعى شعور المثابرةشعرت بشوية عجز ————> استدعى شعور الدعم والمساندة من نفسي او من الآخرينشعرت بشوية سيطرة وعلو ————> استدعى شعور التواضع ومحاولة حل المشكلاتاى حال مزعج للقلب بيكون معاه عدم راحة واضطرابالانسان الحاقد /الحاسد/المؤذى/ المنتقم……..لا يمكن يكون مرتاح او شاعر بالطمأنينه والقيمه والقدرة والحريةالنية هى الانتباة لاختيار الشعوراى عمل ( في عالم المادة ) يصاحبة النية ( في عالم الشعور )علشان كده العمل بدون نية ( يعنى من غير شعور ) مالوش لازمةقال رسول الله صلى الله عليه وسلم 🙁 نية المؤمن خير من عمله وعمل المنافق خير من نيته ) صدق رسول الله صلى الله عليه وسلم اخرجه الطبرانى مرفوعاً المشي على الحبل في الدنيا زى المشي على الصراط في الآخره مع الاختلاف طبعاالفرق الحلو انى لو وقعت من على الحبل في الدنيا عندى فرصة اقوم واقف وابدأ من جديدعايزين ننتبه لمشاعرنا ونسمع صوت قلوبنا فهى لا تُخطيء قلوبنا زى البوصلة ربنا سبحانه وتعالى زرعها جوانا علشان تدلنا على الطريق الصحيح قال تعالى : ” ….فتكون لهم قلوب يعقلون بها …. ” الحج ٤٦” …وطبع الله على قلوبهم فهم لا يعلمون ” التوبة ٩٣”….ولكن يؤاخذكم بما كسبت قلوبكم …. ” البقرة ٢٢٥ونصيحتى الاخيرة عليكم دائماً بالدعاء ” ربنا لا تُزغ قلوبنا بعد إذ هديتنا وهب لنا من لدنك رحمة إنك انت الوهاب ” آل عمران ٨