جوزى بيكره نجاحى…………….جاتلى ترقية فزادت مشاكلى مع جوزى لما يتخانق معايا يتريق ويقول ما انا مراتى مدير عامبيتلكك على اى حاجة علشان يثبت انى مقصّرة معاه ومع الاولادمش كده وبس … ده في مرة قطّع ورق شغل ليا علشان تحصلي مشكله تعبت معاه لدرجة انى فكرت اسيب الشغل مشكلة حصلت مع اكتر من عميلة عندى وبتحصل وهتحصلقصة الامس اللى مش هتنتهى …..نجاح الزوجة في العمل واللى اوقات كتير بينعكس سلباً على علاقتها بجوزهاهنا الزوج بيخاف انه ما يبقاش الطرف الاقوى وان مراته بتنافسهبيخاف انها تبقى اكتر استقلاليه وتتحكم في القرارات على اساس قاعدة ( من يمتلك الانتاج هو الذى يمتلك القرار ) فيبدأ الراجل حالة دفاع غير مبرره عن موقعه وسلطته ونفوذه وسيطرته على الوضعده ما يمنعش ان في راجل تقدّم زوجتة بيحفزه على التطوّروبيحس ان نجاحها من نجاحه وتقدمها وتطورها شهادة ليه لانه السند والدعم ليهالكن يظن بعض الرجال ان نجاح المرأة مش هيتحقق إلّا على حسابه وبينتقص من شخصيتهوان تفوقها يحد من رجولته فيلجأ للغرور والتعجرف عليها وهناك من لا يستوعب فكرة ان دخل زوجته المادى يتجاوز دخله فاما ان تكون غيرته منها لها اثر إيجابي تدفعه للجهد والاجتهاد واما ان تتحول الغيرة الى نيران تلتهم الامان والاستقرار الاسرى فيلجأ للضرب احبانا لاثبات انه الاقوى وقد تصل بعض الحالات إلى الطلاق الحل يكمن في ذكاء المرأة الحكيمةأم المؤمنين السيدة خديجة بنت خويلد رضي الله عنها كانت من اغنياء قريش ولها تجارة واموال مش موجودة عند كثير من الرجال ومع ذلك سألت خادمتها ان تذكرها عند نبينا محمد ( عليه افضل الصلاة والسلام )وكان تاجر بسيط اشتهر بالصدق والامانه ولم يكن نبياً بعدفإن كان المال يغنى عن وجود الرجل في حياة المرأة لكانت اغنى الناس المرأة الذكية الحكيمة هى التى تدرك ان المال لا يغنى ابداً عن الرجال ….قد يشترى المال البيت ولكن لا يشترى الأُنس والمؤانسةيشترى الفرش المريح والغطا في البرد ولكن لا يشترى دفء المشاعريشترى السيارة الفاخرة ولا يشترى الصاحب في الرحلةيشترى الطعام الشهي ولكنه لا يشترى النفس للأكل تدرك ان المال عمره ما كان سند ولا داعم هو بس وسيلة تغني عن السؤال لكن السند والدعم الحقيقي هو الزوج المحب وقت الفرحة يشاركها الفرحة تبقى فرحتين وقت الازمة تلاقيه جمبها يقلق عليها ويخاف وقت الوقعة تتسند عليه وتقوم لو زوجك حس انه هو السند ليكى وانك ما تقدريش تستغنى عنه ولو بملايين الدنيا هيقوم بواجبه وهيكون خير سنداستشيريه في شئون عملك واحكيله عن يومك في العملاطلبي نصيحته ان قابلتك مشكلة في شغلكهاتيله هدية جميله تحسسه باهتمامك وحبك ( تهادوا تحابوا )عرفيه على زملاء العمل في اللقاءات الاجتماعية وافتخرى به وسط زملائك وزميلاتك في العملحسسيه انك لم تصلي إلى ما وصلتى إليه لولا دعمه وتشجيعه وتفهمه ومساعدته مش عيب ابدا اننا ندرك حقيقه ان وراء كل ست عظيمة رجلاب مشجع واخ متفهم وزوج محب وابن بارفلولا وجود هؤلاء الرجال ما كان هناك نساء عظيمات وافتكرى اصل بدء الخليقة إذ جعله الله سبباً لوجودِها وخلقِها ( خُلقت من ضلعه يعنى حته منه وجزء لا يتجزأ منه )فلولا ءآدم ما كانت حواء يله بقه مستنيه نشارك باى افكار وحلول تانيه للمعضلة ديه