انا متجوزة شهر واحد في السنهعام ٢٠٠٨ كان ابنى الوسطانى عنده ٣ سنين وهو بيجرى وبيلعب اتخبط خبطة جامدة في باب حديددماغة اتفتحت فتحة محترمة وجرينا بيه على المستشفى انا وعمه وعمته ……كان يوم عصيب جدا جدا فوق الوصفالحمد لله وبفضل الله الولد بقه كويس افتكرت اليوم ده واد ايه كان صعب عليا لان باباه كان في بلد تانيه لمدة ٣ شهور عملكان بيتصل في نفس لحظة دخول ابنه حجرة العمليات وحبي ليه وخوفي عليه خلانى ماقولتلوش اى حاجه عن ابنه بفتكر الموقف ده كل ما اشوف واحدة من صحباتى زوجها مغترب وبعيد عنها وسايبها مع الاولاد وبيبحث عن الرزق في بلد تانيه بقول لنفسي لما انا اتدهور حالى باولادى في كذا موقف مش موقف واحد وفي فترة ٣ شهور بس فما بالك اللى السنه كلها لوحدها باولادها….مواقف اد ايه عدت عليها وكانت صعبه ومريره واللى صعّبها اكتر عدم وجود زوجها جمبها بتدور على حلول كتيرة للتواصل ( واتس / ايمو / ماسنجر …… وكلها حلول زائفة )على الناحية التانية من مخى افتكرت سؤال أمير المؤمنين سيدنا عمر بن الخطاب رضى الله عنه لابنته ام المؤمنين حفصة رضى الله عنها ؛ كم أكثر ما تصبر المرأة عن زوجها ؟ فقالت : ستة أشهر أو أربعة أشهر فقل عمر : لا أحبس أحداً من الجيوش أكثر من ذلك .ودى جيوش الجهاد ورفع راية الاسلام يعنى مافيش اسمى من هذا السفر ومع ذلك قرر عمر ألا يحبس رجلاً فوق هذه المدة لحرصه على اصل الزواج والهدف منه وهو الاستقرار والسكن والمعاشرة بالمعروف وهذا الاستقرار والسكن لا يتحقق في الغياب والسفر والزوجة والاولاد لما بيتعودوا على غياب الاب مع الوقت لما يجي في الاجازة دوره في حياتهم بيضايقهموالاجازة بتاعته للاسف بعد كده بتمثل عبئا نفسيا عليهم وهو كمان مع الوقت بيبقى مفتقد للجو الاسرى ومتعود على الحرمان العاطفي والاجتماعى وبيتقلص دور الاهتمام بالاسرة عنده في حدود الاحتياجات المادية فقطبيغيب دور الاب الموجه المربي المعلم الراعى و يختزل في دور الممول الانسان العاقل لا يضحى بهذا السكن النفسي لنفسه ولزوجته ولعائلته ولا يعرضهم ويعرض نفسه للفتن والمغريات المفسدة للاخلاق والتى انتشرت في هذا الزمان اكتر واكتر من ذى قبل …. طيب نعمل ايه ؟؟؟ان كان زوجك ليه عمل في بلدك معاكى انتى والاولاد ولو بقيمة أقل فانت الفائزه ان كان يقدر ياخدكم للاقامة معه في الغربة فنعمة جمع شملكم اكبر من اى نعمة اخرى ان اضطرته الظروف للعمل في بلد وانتى واولادك في بلد آخر فاتكلمى معاه يحاول يرجع لكم اجازه كل ٤ شهور تحت اى ظرف ومهما كلفه الامر … تكلمى معه بصراحة عن حاجتك لوجوده بجوارك بلا حياء او خجل وبالحوار والاستعانه بالله ستصلوا لحل يرضيكم جميعا مع كامل الأحترام لسبب سفره وحرصه على توفير لقمة العيش لكم فالمجاهد في سبيل الله والأشد حرصا على إعلاء كلمة الحق رجع عندما امره امير المؤمنين رضي الله عنه بالعوده إلى اهل بيته وتذكرى دائماً انه ومهما كانت وسائل التواصل الاجتماعى الحديثه تقرّب المسافات فإن العلاقة عبر الشاشة قد تقودإلى الاكتئاب ( اعاذكم الله )نتتظر مشاركتكم بحلا آخر لمشكلة اغتراب الزوج من خلال التعليقات