١٠ نقاط تساعدنى انى اطلع من الضيق والحزن والاحباط
اول حاجه احطها في دماغى ان مافيش حد بيخطط للاحباط … التخطيط والسعى بيكون للنجاح فقط
يبقى الاحباط بيجي من تخطيط خاطيء
علشان اخطط صح اعرف الاول امكانياتى علشان ما ارفعش سقف توقعاتى فلما احط هدف احط هدف واقعى ممكن الحصول عليه
اعرف نفسي كويس وايه نقاط القوة وايه عيوب شخصيتى علشان احسنها وايه اهدافي وبدير يومى ازاى
ابقى متأكد ان الفرصة لما تيجى مش هتستنانى لما اجهز …. يبقى اجهز واستعد اولاً وانتظر الفرصة علشان لما تيجي اقدر استفيد منها اكثر استفاده
اشغل نفسي بالمفيد وبس لانى لو مشغلتهاش انا بأرادتى هتنشغل هى بمزاجها في حاجات تانيه وانت وحظك بقهلا حلوه لا ….
نفسك إن لم تشغلها بالحق شغلتك بالباطل
لانها في الاساس أمارة بالسوء
مما لاشك فيه ان الخروج في الاماكن المفتوحة والنظر للسماء وممارسة الرياضه بانواعها وممارسة التأمل بيساعد كتيييير وبيحسن مود الانسان جدا جدا
اما يبقى عندك هدف او هتتعزم على هدف غيركزى العزومه على الفرح كده
لو عايشين في عماره واحده وانت بتجوز ابنك او بنتك في نفس يوم زواج بنت جارك مش ممكن هيجي يعزمك عارف انك مش فاضي ومشغول بحاجه اكبر من حضور فرح بنته
نفس الحكايه لو معندكش هدف ومشغول بيه اى حد هيعزمك على تحقيق هدفه هو بسهوله جدا … ما انت فاضي
هتلاقى نفسك عايش تحقق اهداف مش بتاعتك اصلاً ولا هتفيدك
وقت الاحباط العام والاوقات الصعبه زى وقت موت شخص عزيز او وقت الازمات الاجتماعيه اوالصحيه ده احسن وقت للتخطيط …. علشان ما تندمجش في الازمه قوى او ما تستسلمش للمرض او خشية الانصياع للاحباط
تذكر ان النجاح مستمر حتى في اشد وقت الازماتهتلاقي الشعوب حتى في وقت الحرب يسعدون ويتزوجون وينتجون الافلام الجديده والحياة والنجاح مستمر لا يتوقف
بص على يومك وحاول تطلع منه باعلى انتاجية ممكنه عن طريق:١ / الايمان بمبدأ الوفرة:
اعطي ما تحب ان يعطى لك
عن ابي هريره رضي الله عنه ان رسول الله صلى الله عليه وسلم قال :
( قال الله : أنفق يا ابن آدم أُنفق عليك )رواه البخارى ومسلم
٢ / تعلم فن الترك:
علشان تعمل حاجه بتترك حاجات كتير في نفس الوقت
مثلا :
علشان اسهر اذاكر بترك الراحه والنوم في هذا الوقت
علشان اشتغل اكتر بترك خروجات حلوه لو جت في نفس الوقت
اتعلم فن الاختيار …… لو عندك حاجات كتير لازم تعملها اختار الانسب والاكثر نفعاًهيعينك على كده لو حطيت لكل نشاط من الانشطه اللى بتقوم بيها رقم محدد ( كمكسب ليك ) وده لكل الانشطه
العباده كالصلاه / الاكل / الخروج للتنزه / زياره الاهل او الاصدقاء / مكالمه صديق تليفونيا / مشاهدة التليفزيون….. وهكذا
ثم اختار بعد كده بالارقام الاعلى اللى هتدينى مكسب اكبر لصالح تحقيق اهدافي في الحياة وبكده هتستفيد اكتر وهتحصل على اعلى انتاجيه من يومك 
