كلمة بنسمعها كتير وبنقولها اكتر……

بس يا ترى معناها ايه ؟؟؟؟

الاكتئاب

الاكتئاب مرض

ايوه ما تستغربش ده مرض بيصيب النفس البشريه

مرض بيسرق توهج الانسان قصاد عينيه

مرض بيعطل روح الانسان وشغفه بالخياة

مرض بيدفع لتغييرات سلوكيه كبيرة جداً

مرض بيضيع سنين كتير من عمر المكتئب كان ممكن يعيشهم بشكل افضل

بس ازاى هعرفه وايه اعراضه واسبابه وطرق علاجه …..

اولا : اعرفه ازاى او اعراضه ايه

١ / مزاج سيء

٢ / نظرة سلبيه عن الماضي والحاضر والمستقبل

٣ / نقص في التركيز والاهتمام

٤ / فقدان الشغف

٥ / عدم الاستمتاع بما هو ممتع في العادة

٦ / افكار بتمنى الموت

٧ / افكار تشاؤمية او انتخاريه

٨ / كثرة النسيان

٩ / اضطراب في الشهيه ( اكل كتير قوى او قليل قوى قوى )

١٠ / اضطراب في النوم ( النوم كتير قوى او قليل جداً )

١١ / محاولة الانتحار او قتل الآخرين

ثانياً : اسبابه

١ / فكرة الوجود في الدنيا نفسها فكرة ضاغطه على الانسان

وعلشان الضغط بتاعها يقل لابد ان يكون للانسان منفس او نظام داعم

مثلاً :

يكون عارف هو عايش ليه وليه هدف يحببه في الحياه

يكون عنده مسئوليه وحاسس ان غيابه هيأثر على اللى حواليه

يكون بيحب اهله ومش عايز يضايقهم بفكرة عدم وجوده

يكون عنده قيم دينيه تمنعه ( الانتحار حرام )

يكون بيفرّغ الاسترس في باى صورة كممارسة الرياضه مثلاً

٢ / التعرض للصدمات في سن الطفولة

مثل وفاة الاب او الام في سن صغيره

او انفصال الاب والام والمشاكل الناتجه عن ذلك

٣ / اسباب جينيه

لو حد من الاسرة اتعرض للاكتئاب ده بيخلى الانسان عنده قابليه اكتر للتعرض للاكتئاب ولكن ليس بالضروره انه يحصل

٤ / اسباب عضويه

كنقص هرمون الغدة الدرقيه

او زيادة هرمون الكورتيزول فتحدث الاصابه بمتلازمة كوشينج

٥ / التعرض لصدمات نفسيه شديدة

كفقدان عزيز بالوفاة او غيرها ( الطلاق – السفر والهجره …..)

او فقدان عمل بعد تعب طويل فيه

الاكتئاب بيسرق توهج الانسان قصاد عنيه وبيعطّل روحه وشغفه

ثالثاً : العلاج

الاكتئاب زيه زي باقي الامراض له درجات من حيث الشدة

إن كان شديد قوي يبقى بيحتاج الاول للعلاج بالادوية ( مضادات الاكتئاب ) من قبل الطبيب النفسي لمدة شهر تقريباً وبعدين بنتابع بالعلاج المعرفي السلوكى ( CBT ) عن طريق جلسات نفسية ( كلامية )

إن كان بسيط او متوسط الشدة ممكن نبدأ بالجلسات على طول وقد لا يحتاج الى التدخل بالادوية

الجلسات دى بيحتاجها الانسان لتنظيم افكاره

بتساعده انه يتقبل مشاعره ويعرف يتعامل معاها

بتعيدله الثقه في نفسه وبيحبها

بيرجعله تانى شغفه بالحياه رويداً رويدا

ربنا يسعد قلوبكم

لحجز جلسات كوتشينج او جلسات ( CBT )

يرجى الاتصال على رقم 01029622933

يوميا من الساعة 10ص حتى الساعة 6 م عدا يوم الجمعه

او الاتصال واتس آب على رقم 01095485584 يومياً عدا الجمعه