المشاعر المُحرّمهالشعور ده ما يصحش ازاى اسمح لنفسي انى اشعر بكده ؟؟…………. ينفع اشعر بشعور واكون شاعره بيه جوايا واكدب على نفسياقول ما حصلش ولا ما يصحش ولا حتى اقول الشعور ده حرام الاجابه قولاً واحداً ما ينفعش المشاعر دى حاجة جوانا بنشعر بيها لا ارادياًاوقات بتكون رد فعل لبعض الاحاسيس لناس او لاشياء من حولىواوقات تانيه باشعر بيها من غير ما تكون رد فعلكلنا بنتمنى نعيش اللحظه وعرفنا انى علشان اعيش اللحظه يبقى اعيش مشاعرى بصدقازاى اعيشها بصدق وانا بكدّب مشاعرى او بنكرها او برفضهاازاى اعيش مشاعرى وانا مش مصدّقنى اساساً اكيد مش هينفع يبقى من النهارده نتفق نعيش مشاعرنا بصدق نراقب مشاعرنا ونقبل وجودها وللمره المليون بنقول :((( القبول لا يعنى الموافقة ))) الكلمة دى تستحق تتبروز وتتحط في كل مكان حواليناطب يعنى ايه ( القبول لا يعنى الموافقة )يعنى مش معنى انى اقبل ان الشعور ده موجود يبقى موافقه عليه او انى هتصرف على اساسهده لسه هيعدى على مرحلة فلترة لو الشعور موافقة عليه زى مثلاً :لو اتجوزت واتنقلت لبيت جوزى وشعرت مشاعر ان الحياة في بيت بابا وسط ماما و اخواتى وحشتنى قوى وانى مش قادرة اتأقلم على بُعدهم بسهولهاو حتى لقيت نفسي بشعر بالخوف لما اقعد لوحدى في شقتى الجديدهما قولش ايه المشاعر الخايبه دى ولا اقول اكبري بقه / ولا انتى هتفضلى عيّله لحد امته ؟؟ولا انكر انى خايفه لأ … احترم اى مشاعر اشعر بيها احترامى لمشاعرى من احترامى لنفسيهو حرام انى اشعر بالخوفولا حرام اهلى يوحشونى واشتاقلهمابدا ابدا ……..كلها مشاعر …… و كلها تُحترم انكارنا للمشاعر حالة من حالات الشعور الدونية احترام المشاعر دليل على شعور الانسان بقيمته طيب لو الشعور غير مقبول زى مثلا :بعد ما اتجوزتى قابلتى انسان في اى مكان ولقيتى نفسك اتحركت مشاعرك نحوهينفع تقولى انا ما شعرتش بحاجه ومافيش حاجه خالص او انا ما ينفعش اشعر بحاجه زى دى لأ ما ينفعش تقولى كده لان الانكار لن يفيد الأنكار هيخلى الشعور يفضل جواكى ويقعد من فترة للتانيه يزنهيخلى الشعور يكبر في خيالك حتى لو ما شفتيش الانسان ده تانى طب والحل ايه ؟؟؟الحل انى اراقب مشاعرى واول ما اشعر بداية اى شعور …. بس البدايةاتكلم مع نفسي بمنتهى الصراحة والوضوح والشفافيةانا شعرت بكذا تجاه فلان ودى حاجه ماليش اى يد فيها بس ممكن احاول اعرف ايه سبب الشعور دهيمكن مثلا فراغ عاطفي عندى احاول اصلح ما بينى وبين زوجىاو ممكن يكون تقصير في مشاعر معينه انا محتاجاها احاول اتكلم فيها واطلبهايمكن بدون قصد نظرت نظرة غلط ففهم منها اللى قدامى رساله غلطاو تساهلت في كلام او سمحت للانسان ده انه يقرّب منى اكتراياً ما كان السبب …. المهم النتيجةهل هذا الشعور اللى انا قابله وجوده ينفع اوافق عليه؟؟لأ طبعاً هو موجود بس يستحيل اوافق عليه لانه حرام شرعاًوما لا يرضي ربي لا يرضينى ده غير انه لا اخلاقي ولا مبادئي توافق عليهده غير انه شعور غير مريح ويستحيل اسعد بيهيبقى طالما انا انسانه ملتزمه بتعاليم دينى وعلى خلق كريم فانا اعترف ان شعرت بذلك بينى وبين نفسي ولكنى لن اوافق نفسي على هذا ابداًلو في غلط غير مقصود من عندى هصلّحهولو مافيش غلط من عندى فبالحديث السهل البسيط ده دايرة الشعور هتتقفل على خيروهيرحل الشعور بسلام ومش هيرجع تانى ولا في الاحلام من دراستنا للمشاعر عرفنا اننا لما نوصف المشاعر بتطلع للنور وتبان والمشاعر مش بتعيش غير في الظلامعلشان كده كبتها وانكارها بيخفيها في الضلمه وتكبر وتزيدووصفنا ليها بينا وبين نفسنا بيخليها تطلع للنور وتطير لبعيد راقبوا مشاعركم واقبلوها ووافقوا على اللى يصلح منهاواللى لا تصلح اقبلوها بس إياكم توافقوا عليهااللهم ارح بالنا واصلح فساد قلوبنا واكفنا شرور انفسنا ودى كانت المراقبة الاخيرة والأهم والأصعب من وجهة نظرى مراقبة المشاعر اكتبولى في الكومنتات تحبوا نتكلم على موضوع ايه تانى ؟؟هستنه اقتراحتكم …. دُمتم باحسن صحة وحال