اول مره اعرف ان الكدب ٥ انواع ايوه صدقنى زى ما بقولك كده …………………..طول عمرى اعرف ان الصدق صدق والكدب كدببعد ما درست كورس المشاعر اكتشفت اكتشاف مذهل انى علشان اعرف اعيش مشاعرى محتاجة انى اصدّقنىوانى علشان اعرف اعيش اللحظه محتاجة بردو انى اصدّقنىطيب ما انا الحمد لله صادقة ومش بحب الكدب يعنى كده عديتكنت فاكره كده لكن طلع الكدب له اشكال كتيييير ايوه حقيقي بجد … وبالتحديد الكدب ليه ٥ اشكال الكذب في الكلام يعنى مخالفة الواقع وده عكسه الصدق مثلا رايحة لماما اقول رايحة الكوافير او كلام مخالف للواقع وخلاص المبالغة في الكلام بردو وده عكسه الدقةمثلا اكون هقابل صاحبتى اقولها ٥ دقايق وهبقى قدامك وانا لسه في اول الطريق وهياخد منى مش اقل من نص ساعه السخرية ودى منهى عنها بنص قرآنى وطبعاً النكت لان كل النكت في الحقيقة كدب وماحصلتش وده عكسه الحب ايوه بلاش استغراب كدهعايز تعرف حقيقة الكلام ده اتريق على بنت او ولد قدام مامتههتلاقيها اتغيرت ملامحها حتى لو ضحكت لحظة السخرية مافيهاش اى حبولو السخرية على النفس وده بنشوفه كتير للاسف ده احساس عالى بالدونيه عند اللى بيسخر من نفسه المفارنة سواء للنفس او للغير وده عكسه الرضا المقارنة في الاصل شيء غير منطقي لان كل واحد حالة بشرية مختلفةيعنى بحط نفسي مع غيري في نفس الاطار وده كدباو بحط اتنين من البشر في نفس الاطار وده كدبمافيش اتنين إلّا ومختلفين ودى طبيعة البشر حتى التؤام المتماثل في الشكل الخارجى مختلفين في المضمون والداخلطول عمرى بقول اقارن نفسي بنفسي من فترة للتانيهعلشان اعرف اتقدمت اد ايه وكده يعنى زى ما علمونا طلع حتى المقارنة دى غير منطقية لانى زى ما بتقدم من فتره للتانيه او بتأخر انا بردو بتغيريعنى من ٥ سنين لو فاكره انى بقيت دلوقتى احسن مثلا فده لان خبرتى واهتماماتى وقيمى وامكانياتى واولوياتى واهدافي كانت مختلفة عن دلوقتى او إن كنت حاسه مثلاً انى من سنتين فاتوا كنت احسن من دلوقتى ده لانى مريت بظروف غيرت طبيعة حياتى مثلا فالمقارنة في اى زمان مختلف غير منطقيه يعنى بلاش مقارنة خالص اسلم واصدق كمان اللوم سواء لنفسي او للآخرين وده عكسه الاحترام اللوم كدب لانه معناه انى انا المتحكم والمسيطر واللى قدامى هو اللى انا متحكمه فيه والحقيقه ان المتحكم الوحيد للكون هو الله عز وجل احنا كائنات خلقت للاختيار وليس للتحكم حتى لو حبيت الوم نفسي هقول لو كنت عملت كذا وكذا؟! او ليه عملت كذا وكذا؟؟وده منهى عنه علشان ( لو ) بتفتح عمل الشيطانزمان ضحكوا علينا وقالوا اللى عايزك يلومك وطلعت كدبه زى حاجات كتير عرفنا انها غلطاو كانوا بيقولوا اللى عايزك يعاتبكورغم ان العتاب مش كدب إلّا انه فيه تأنيب وده بردو لا يجوز علشان صحة مشاعرنا لان فيه تقليل وعدم احترام طيب الصح ايه ؟؟؟الاحترام لذاتى وللآخرين احترام بشريتى وبشرية الآخرين من حولى الاحترام ده هيخلينى اتقبل الاخطاء من نفسي ومن الغير لاننا ببساطة بشر مش ملايكة إن غلطت مع نفسي اعترف انى غلطت واقرر معملش كده تانى وإن غلطت مع غيري اعتذر واحاول ما اكررش الغلط تانى من غير ما امسك نفسي واجلدها بدون شفقة ولا رحمة ولو حد غلط معايا اقوله انا زعلت منك لما علمت كذا وبتمنى ما تعملهوش تانى علشان صحة علاقتنامن غير ما امسكه اسلخه وكانه عمل الغلطه التى لا تغتفرولا اقعد احاسبه محاسبة الملكين واكنى معصوم من الخطأودايماً اكرر كلمة ( قدّر الله وما شاء فعل ) كل افعالنا طالما تمت فهى من اقدار الله علينا ان كانت اعمال موفقه فما توفيقنا إلّا بالله وان كانت غير ذلك فمن ذنوبنا و انفسنا فإن النفس أمّارة بالسوء وهى ايضاً بعلم الله سبحانه الذى لا يخفى عليه شيء في الارض ولا في السماءسبحانه رب العزه العليم القدير وبما انى اتعلمت ان الشعور مبنى على المراقبة فعلينا بمراقبة انفسنا اول نوع من المراقبة هى مراقبة ألسنتنا حفظنا الله جميعا من الكدب بكل انواعه بالمناسبة في ٣ انواع اخرى من المراقبة للذات علشان صحة مشاعرناإن كنتوا عايزينى اتكلم عنهم اكتبولى في الكومنتات و شاركونى كام نوع كدب عرفتوه جديد عليكم ؟؟؟؟