عيش اللحظه وسيب العقل للمناسبات كلمه قريتها ومش عارفه ليه وقفت قدامها كتييييرحسيت ان الدنيا فعلاً واخدانا وبتلف بينا او بعقولنانكون قاعدين مع ناس وعقلنا في مكان تانى خالص لاما بيفكر في مشكله علشان يوصل لحل….لاما في حلم وامل نفسه يوصله وبيمخمخ هيحققه ازاى….لاما مع ناس مش موجودين وسرحان في ذكرياته معاهم….لاما مع ناس موجودين في مكان تانى ونفسه يكون معاهم….واماكن كتيييير قوى العقل ممكن يكون مشغول بيها…….المشكله مش في دوامة العقل المشكله فينا اننا سايبين عقلنا يروح مطرح ما هو عايزبعد ما قريت كتاب نهى زهره ” اقفشي عقلك ” كتاب اكتر من رائع بصراحهحسيت هي ليه اختارت الاسم دهحسيت ان لازم نخلى عقلنا يكون حاضر مكان ما احنا حاضرينعقلي يكون present معايا لا يرجع لل past ولا ينط لل future زى ابنى الصغير المدلل اللى ماينفعش يغيب عن عينى ولا يبعد عن مكان وجودى ابنى اللى طول ما هو جمبى بحس انى متطمنه عليه وعارفه استمتع بوقتىوانا قاعده مع صحباتى وشايفاه جمبي بستمتع بوقتى معاهموانا باكل او بالعب او بشرب او بجرى او بمشي وهو معايا ببقى متطمنه عليه وحاسه بالامان وبعيش كل ده بمتعه وسعادهلو عاملنا عقولنا زى طفلنا الصغير اللى لازم يرافقنا في كل خطواتنا هنعرف نعيش اللحظهووقت المناسبات ده الوقت اللى بنخلى عقلنا يكبر ويسيطر ويفكر ويحل وينفذ …. اوقات الازمات واوقات التفكير بس هى اللى محتاجه للعقللو ما اتعلمناش نعيش ونستمتع بكل دقيقه في حياتنا ونديها حقها الحياة هتجرى واحنا مش واخدين بالناوطول ما احنا مش واخدين بالنا ومش حاضرين في حياتنا مش هنتعلم من المواقف ولا هيكون عندنا حكمة في تصرفاتنامحتاجين نعيش اللحظه ونبقى حاضرين في حياتناحاضرين واحنا قاعدين مع احبابنا واصحابنا ونديهم كل اهتمامناحاضرين واحنا قاعدين مع اولادنا ونلعب معاهم بكل جوارحناحاضرين في الحياة مش مجرد موجودين فيها وبسمش معقول نبقى شاطرين قوى في التخطيط والتجهيز لخروجه او سفر او فرح مثلا ولما نيجي وقت التنفيذ ما نستمتعش باللحظه ونعيشها صح وننسى نفرح بيها وتفوت بسرعه علينا من قبل ما تنسينا تعبنا اللى شفناه لحد ما وصلنالهاالحضور في الحياة بيخلى علاقتنا بربنا قوية ومتينه وبنحمده على كل لحظه فيها وبنشكره اننا لسه فيها ….بيخلينا فعلا نشوف الحياة جميله ونشوف كل تفاصيلها الرائعه …بيخلى علاقتنا بنفسنا حلوه قوى وبنحب نفسنا بكل صفاتها وبيشجعنا نقوى نقاط القوه عندنا ونعالج نقاط الضعف ونطور من ذاتنا اللى بنحبها اكتر بحضورنا معاها في الحياة بيخلى علاقتنا باللى حوالينا من احبابنا واهلنا واصحابنا اروع بكتير وامتع بكتير واسعد بكتييييير إياكم أن تفوتكوا حياتكم .. استمتعوا بكل لحظة فيها …. بأسهل طريقه …… انكم تعيشوها#عيشوا_اللحظه#حنان_بنت_عطيه