رحلة مافيهاش محطّات…………….في زلزال ١٩٩٢ ماما واخويا الصغير كانوا راكبين اتوبيس رايحين لبيت جدى لما حصل الزلزال كان مكان محطة بيت جدى وماما واقفه على الباب علشان تنزلسواق الاتوبيس فضل ماشي على طول وماوقفش كان مش عارف يسيطر على الاتوبيسالناس في الاتوبيس استغربوا وقعدوا يصيحوا يا اسطه المحطه عدت وماما تقوله عايزه انزل لو سمحتوالسواق مابقاش عارف ايه المشكله وليه الاتوبيس مش راضي يقف مع انه بيدوس على الفراملطبعا بعد فترة وبعيد عن بيت جدي وقف الاتوبيس ونزلوا ولقوا الدنيا حواليهم مقلوبه وآخر حاجه كانت تيجى على بالهم وقتها ان يكون في زلزال الموقف ده جه في دماغى وانا بدرس كورس القيم والدكتور بيتكلم عن قيمة القدرةقال : ان الحياة رحلة مستمرة مافيهاش محطاتلو عملت انجاز اليوم وما حافظتش عليه ممكن ترجع تانى في دقايق او ساعات وتفقدهالرحلة كلها صاعد هابط طالع نازل لا تتوقف حاجه كده شبه رسم القلب او زى اللى في الصورة الصاعد أو الطالع هو الإنجاز والسعادة الهابط أو النازل هو الإخفاق والتعاسةوالمهم في الرحلة دى إنى أحافظ على إتزانى في الحالتين لما اطلع اتزن وما افرحش بزيادة تنسينى الشكر ولما انزل اتزن واتقبل اخفاقي واحاول اقوم من تانى واصبر واقاوم اليأستذكرت قول الله تعالى : ” لكيلا تأسوا على ما فاتكم ولا تفرحوا بما آتاكم ” الحديد ٢٣يعنى لا تأسوا على ما فاتكم من الدنيا ولا تفرحوا بما آتاكم منهاربطت بين الموقفين واننا راكبين وسيلة مواصلات اياً ما كانت وملهاش محطات وقوفماينفعش تنزل منها ولا تعرف توقفها لإن توقفنا في الرحلة معناه موتنا فالحياة تنتهى بنهاية الرحلة … طيب فين القدرة في الموضوع القدرة هى الإنجاز هى الجزء الطالع اثناء الرحلةوالقدرة هى شعورى بان الشعور اللى بشعر بيه اقدر احوله لحاجة ملموسة تُرى بالعين لى وللآخرين يعنى احوّل الشعور إلى مادة .. إلى واقعفمثلاً : انا اشعر انى رسام موهوب ومؤمن بده ومصدقه بمسك الريشة والألوان وبطلّع اجمل لوحة اشوفها ويشفوها الناسانا اشعر انى طباخة ماهرة ومؤمنه بده ومصدقاهبدخل المطبخ وابدأ العمل واطلّع ألذ الأطعمه واطيبها تعجبنى و تعجب الناس او ماتعجبهمش عادى اكلها انا وبكدة انا حوّلت الشعور الداخلى اللى جوايا بقدرتى على عمل اى شيء إلى عمل حقيقي واقعى ملموسوان حصل واخفقت ( بتحصل عادى ) بلاش اعيش دور الضحية واقوم واكرر المحاولةلان حتى الفشل قدرة …. ايوة ما نستغربش قوى كدهالانسان اللى بيفشل بيبقى شايف انه فاشل فبيحقق الفشل اللى شايفه ده لواقع ملموسبغض النظر ان انا شخصياً مابحبش كلمة تجربة فاشلة وبفضّل اغيّرها بتجربة خاطئة بس ما علينا شعور القدرة له وجهين أو جانبين :١ جانب شخصيانا قادر احلم وآخد حلمى واحوّله إلى فعل وواقع٢ جانب اجتماعىانا قادر انى اساعد الناس اللى بيحلموا احلام مشابهه ليا انهم يحققوا احلامهم ويحوّلوها لفعل وواقع قدرتى بتزيد مع مساعدة ودعم الآخرين عن ابي هريرة رضي الله عنه قال رسول الله صلى الله عليه وسلم : (……… والله في عون العبد ما كان العبد في عون أخيه ……الحديث ) قدرتى على تحويل احلام غيرى لواقع بتزود ثقتى في نفسي وفي قدرتى على تحقيق الأحلاميبقى طبيعى هقدّر احقق حلمى انا كمان ازاى ازود شعورى بالقدرة١اكون مبادر واشارك في التوجية بمهاراتي٢الخطوة اللى شايفها ناجحه انفذها بلا تردد٣ اركز ان اعمالى تكون مفيدة ليّا ولغيري ٤ ادعم واساند واساعد اللى يطلب مساعدتى بلا تردد٥ ابادر بتقديم المساعدة للى محتاجها و مش عارف انى اقدر اعملها فمش هيطلبها منى … بديهى يعنى٦ لما اقدم دعم ومساعدة اقدمها باحسن وارقى واتقن ما يمكننى عملهقال رسول الله صلى الله عليه وسلم : ( إن الله يحب إذا عمل احدكم عملاً أن يتقنه ) من امثلة حالات القدرة اللى بيصاحبها دعم للآخرقصة محمد رشوان بطل مصر في لعبة الجودوفي عام ١٩٨٤ احرز ميدالية فضية في اولمبياد لوس انجلوس امام منافسه اليابانى ( ياسوهيرو ) بطل العالم الذى كان مصاباً في المباراة النهائية لهذه البطولة رفض محمد رشوان ان يستغل إصابة خصمه القوىوفضل أن يخسر الذهبية بالشرف والنزاهةعلى أنه يفوز بالمركز الأول بالخسة والندالة العالم كله احترم ده وقدّره ولقبوه ب ( بطل الأخلاق )الموقف ده شعور عالى جداً بالقدرة يصاحبة دعم ومساندة للغيرهى دى قصة شعور القدرة وربنا يقدّرنا على فعل الخير القدرة في علم الألوان يرمز لها باللون الأحمر المستخدم في هذا البوست وهو بالصدفه رمز الحب حبوا انفسكم حبوا الناس حبوا الرحلة استمتعوا بالرحلة وثقوا في قدراتكم على تحقيق احلامكموقولولى شعوركم بالقدرة زاد دلوقتى ولا ايه ؟؟