انفعالاتنا وعواطفنا خلتنا رحنا في خبر كانلفت نظرى وانا بتكلم مع عملائي ان كتير منهم بيتلغبط قوى وهو بيعبر عن عواطفه وبيخلط بين الاحساس والشعورالاقي واحدة تقولى انا حاسه انه بيحبنى او انا حاسه انها بتكرهنىوواحدة تانيه لما اسألها ايه مشاعرك تجاهه تقولى لو شفته هضربه ( ودى مشكلتها اكبر لانها راحت في حته تانيه خالص وبتعبر عن مشاعرها بافكار وسلوك ) عرفت اننا محتاجين جدا اننا نميز بين الاحاسيس والمشاعرالاحاسيس هى معلومات بنحصل عليها من الحواس الخمسهحاجه شفناها سمعناها لمسناها شمناها تذوقناها واحيانا فكرنا فيها ( جمع بيانات من البيئة المحيطه )اما المشاعر فلا تستقبل بالحواس ولكن بتتكون داخل الانسان كرد فعل لعواطفه ( تحليلات وادراكات منطقيه اوغير منطقيه )الاحساس عكسه التبلد الشعور عكسه اللاشعور الاحساس بيتغير بسرعه وزمنه قليلالشعور بيستمر لفترة اطول الاحساس عملية سهله جدا وبسيطةالشعور عملية معقدة جدا طيب ايه اهمية المشاعر تساهم في تكوين شخصية الانسان وتحديد اتجاهاته تسهم في تحديد سلوكيات الانسان بمن حوله المشاعر الايجابيه الطبيعيه زى السعادة والرضا تساعد على تخطي الصعاب المشاعر السلبيه الطبيعيه زى الخوف تنبهنا للاخطار و تساعد في الحفاظ على الحياة ازاى بقه اظبط عواطفي ( احاسيسي و مشاعرى ) التنفس العميق عند لحظة الانفعال ولو قدرت اغير وضعية جسمى يكون افضل ( مثلاً لو واقف اقعد) تحديد طبيعة المشاعر واقرارها وادراك ما نمر به تقبل المشاعر والتصالح معها ونحاول نعرف الرسالة اللى جاية تقولهالنا ايه ندرك ان هدفنا تنظيم عواطفنا مش كبتها وقمعها نفرّق بين المشاعر الحماسيه اللحظيه والثابته اختيار الوقت المناسب للتعبير عن المشاعر الابتعاد عن محل الضغط العاطفي لفترة زمنية لاستيعاب الموقف نتجنب التسرع في اصدار الاحكام و اخد القرارات عند التوتر التعبير عن عواطفك باتزان دون تجريح او غضبتذكر وصية نبينا محمد عليه الصلاة والسلام : ( لا تغضب ) ورددها مرارًا في بعض المواقف الصادمة والصعبة يمكن التحدث إلى معالج للتعبير بطريقة صحية وآمنةولا تنسى ان ممارسة الرياضة واليوجا تساعد على الاسترخاء و التفكير المنطقى والحكمة قولى ازاى بتعرف تسيطر على عواطفك وانفعالاتك ؟؟