عارفين قصة الكلب والكهرباء ودى قصة حقيقه رغم ان فيها حاجات مؤلمه جداًبس علشان العلم لازم شوية تجارب مؤلمه……..علماء علم النفس جابوا كلب وحطوه في صندوق مقسوم الى نصفين وبينهم حاجز قصير ليستطيع الكلب المرور بينهمفي اول التجربه كهربوا الجزء اللى الكلب قاعد فيه وطبعاًعلى طول الكلب نط وفط وراح للجزء التانى لقاه أمان ومافيهوش كهربا وقعد فيه وعادوا الكرَّه بعد شويه مرات عديده وفي كل مره كان الكلب بيجرى على الجزء التانى ربطوا موضوع الكهربا بجرس معين بعد ما يرن يتكهرب الجزء اللى فيه الكلب … الكلب بدوره ربط الجرس بالكهربا واول ما يسمع صوت الجرس يجرى على الجزء الآخر وطبعاً قبل الكهربا فماكانش بيحس بالكهربايسكتوا !!؟؟ لأ طبعاً …. لازم التجربه تكمل….كهربوا الصندوق كله … النصفين فيهم كهربا يا حرامهنا صعب عليا الكلب قوى بصراحهالكلب قعد يجرى من الجزء ده للجزء ده ويرجع للجزء ده ويروح تانى للجزء التانى ومافيش فايده كله مكهرباستسلم الكلب اخيراً وبطل يحاول يجرى ولا ينقذ نفسه من ألم الكهربا في جسمه وقعد في ركن من الصندوق بيتعرض لصدمات كهربائيه دون مقاومه العلماء وقفوا الكهربا في النص الفاضي ومع ذلك كان الكلب قاعد في الجزء المكهرب وما زال يحس بالألم ورغم انه لو كان حاول محاوله اخيره انه يهرب بنفسه كان هينقذ نفسه من الكهربا ولكنه فضّل انه يستحمل ألم الكهربا على انه يحاول تانىمع ان ذلك يتناقض مع غريزه البقاء عند كل المخلوقات ….. العلماء سمّوا الظاهره دى :(( العجز المكتسب Learned Helplessness ))ناس كتير بتتعرض للعجز المكتسب ( دايت عدة مرات — عدة علاقات فاشله ……)ومابيحاولوش تانى رغم انهم اصبحوا اكثر نضجاً واكثر تجربة ولكنهم احسوا بالعجز فتوقفوا عن التجربة مثال بسيط جداً : رجل كبير في السن ولا يحفظ جدول الضرب لانه حاول وهو صغير كتييييير ولم يستطيع حفظهعلى الرغم انه إذا حاول دلوقتى هيحفظه بمنتهى السهوله ولكنه حاسس بالعجز من تجاربه السابقه طب وبعدين يا حاجه انتى هتسيبينا كده فين الحل ..الحل الحل الحل الحل اهالحل في نقطتين النقطه الأولى الادراكعلشان نقدر نغير الوضع الحالى لازم ندرك انه مؤقت وليس دائملازم نتكلم مع عقلنا ان الموضوع ده أياً كان والعجز اللى بنحس بيه تجاه اى شيء انه سهل يتغير لانه مؤقت وزى ما اكتسبت العجز بالتجارب الخاطئه هقدر انهى العجز ده بالتجارب الناجحهالنقطه الثانيه إضعاف المعتقد السلبي يعنى نأكد لنفسنا ان حالة العجز المكتسب مجرد معتقد في الذهن وليس حقيقه وده هيتأكد عن طريق نجاحات صغيره تتناقض مع هذا المعتقد فتضعفه ولما يضعف هنقدر نهزمهدمتم بخير وصحه وسعاده#عيشها_من_قلبك#عيشها_حلوه_ومره#حنان_بنت_عطيه