اللى يزيد عن حده يتقلب لضده حتى الحب في سلوكيات كتيرة خاطئة بتظهر في بعض العلاقات بتخلى العلاقة غير صحية ومش شرط طبعاً انها تكون علاقة مسيئة بس الاكيد ان العلاقة هتبوظ وتنتهى لو السلوكيات دى ما وقفتش وعلشان نحافظ على علاقاتنا سوية و جيدة مهم قوى نعرف السلوكيات دى علشان نتجنبها نراقب نفسنا لنكون بنعمله مع حد من اللى حواليناونتعلم ازاى نتجنبه لو حد بيعمله معانا من السلوكيات دى : الشدة ( Intensity ) وده الانسان ال over اللى بيعبر عن مشاعره بزيادة حبتين تلاقيه بيظهر الحب جدا من اول العلاقة وسريع قوى في مشاعره ومندفع جدا جدا عايز على طول يشوفك يكلمك يراسلك ولو ٢٤ ساعه في اليوم لا يزهق ولا يمل ( عنده هوس بيك ) الانسان اللى بالشكل ده من غير ما يقصد بيحسس اللى قدامه بالقلق والارتباك والخوف احيانًا وإن شاف ان اللى قدامه حس بالقلق والخوف بيستغرب ويقول لنفسه : ليه كده ده انا بحبه هو شايف ده اهتمام وحب ومستغرب انت اصلا قلقان من ايه ؟؟ اغلبنا للاسف ممكن يكون بيعمل كده مثلاً مع اولادنا بنغمرهم بالحب وبنخاف عليهم من اى حاجه ومن اى حد بنخاف عليهم حتى من التجربة ومن غير ما نحس بنضرّهم وبنمحى شخصيتهم وبنعدم ثقتهم بنفسهم او مع ازواجنا من كتر حبنا ليهم بنحاول نعرف كل حاجه عنهم كأنهم ملكية خاصةللاسف مع الوقت ورغم ان ده بيبقى بدافع الحب إلاّ انه بيترجم انه تسلط وخنقه ونلاقي الطرف الثانى بيبعد و يخبي ويدارى حتى الحاجات العاديهعايزين نراقب ونقييم مشاعرنا ونشوف لو بنعمل كده مع حد نخفف من السلوك ده فورا ونحاول نوقفه خالص علشان ما نبقاش احنا الطرف اللى بيسمم العلاقه ولا نبقى السبب فى نهايتها نهاية سيئه ( لا قدّر الله ) ولو ده بيتعمل فينا نتكلم ونتحاور في اللى بيقلقنا إن كانت العلاقة مهمه ليناعايزين نحوّل علاقاتنا من Toxic Relationship إلى Healthy Relationship علشان نحافظ على حبايبنا ونسعد في حياتنا تابعونا و شاركونا وقولولنا بتعملوا كده ولا بيتعمل فيكوا