الغيرة الشديدة بتوجع حتى لو من الاصدقاءالناس اللى بتتعامل مع بعضها كأنها ملكية خاصة ده اسمه في العواطف سلوك الحيازه ( possessiveness )كلمة ( أنت بتاعى ) أو ( أنتى بتاعتى ) اللى بقينا بنسمعها كتيرالغيرة عاطفة إنسانية طبيعيه وبتدل على الحب كمانلكن كل حاجة لما تزيد عن حدها بتتقلب لضدها اتوماتيك كدة ومن غير ما نحسالغيرة لما تزيد قوى بتبقى غير صحية احساسك ان حد بيتحكم فيك عايز يعرف كل حاجة عنكرايح فين وجاى منين بتتكلم مع مين بتضحك لمين بتخرج مع مين ….. أو بينتقدك ويهاجم كل تصرفاتك ويقولك انت تقصد كذا وكذا وكأنه دخل جواك وعارف اكتر منك عنك الاحساس ده أكيد بيضايقك وإن كنت انت اللى بتعمل ده يبقى أنت أكيد بتضايق الطرف التانى وبتخنقه وهيدور على اى وسيلة يهرب بيها من الخنقه دى رغم ان الحب موجودالغيرة بتظهر قوى في العلاقة الزوجية إلاّ إنها موجودة في كل العلاقات الانسانية تقريباًموجودة بين الاولاد وامهم او ابيهملما حد يحس ان ماما بتحب اخويا اكتر منى او بإن بابا بيفضل اختى علياموجودة بين الاصحاب لما اللى بنغير عليه من اصحابنا يتجمع في خروجه مع غيرنا او يتفقوا على اى حاجة مع بعض واحنا مش معاهماغلب القصص دى بيبقى الطرف الآخر مظلوم يعنى الام مش بتحب الاخ اكتر ولا الاب بيفضل الاخت والاصحاب ساعات كتير بتكون صدف وحتى لو بالاتفاق مش بيكون مقصود انهم يضايقوكالازواج بقه دى قصة طويلة لأ بجد اوقات كتير بيكونوا مظلومين بردو اوقات عايزين ندرك مشاعرنا ونقييمها كويسلو احنا بنعمل كده نخف شوية من تضييق الخناق على الطرف الآخر ولو بيتعمل فينا والعلاقة تهمنا يبقى الحوار هو الحل وتزويد الثقة شوية شوية لدى الطرف الآخر ليطمئن باله ويرتاح قلبه وبالتالى هنرتاح احنا كمانعايزين نحوّل علاقاتنا من Toxic Relationship إلى Healthy Relationship علشان نحافظ على حبايبنا ونسعد في حياتنا تابعونا وشاركونا بصراحة بتعملوا كده ولا بيتعمل فيكوا