ازاى تخلى جوزك يشيل معاكى المسئولية؟تعبت خلاص كل حاجه على كتافيو البيه جوزى مكبّر دماغه خالصكلام بنسمعه كل يوم من ستات كتير بتعانى مع ازواجهملأما يكون زوجها اتكالى وغير متحمل للمسئولية اساساًقاعد في البيت لا شغله ولا مشغله وكمان مالوش دعوة بحاجة خالص ومشيّل مراته كل حاجهاو زوج بيهرب من المشاركة في مسئوليات ادارة البيت وتربية الاولاد وبيكتفي بأنه يروح الشغل ويجيب فلوس وبسونسي ان الرعاية حاجه والتربية والحماية والولاية والكفاية حاجة تانيةلو عنده كلب او قط هيوفر له الطعام والشراب ومكان النوم والعلاج وكده هو بيرعاه لكن الاولاد محتاجين فوق الرعاية دى تربية وتوجية وتوعية وزرع قيم ومبادئ وتعاليم دينيه ودنيوية وانشطة وإرشاد وتعديل سلوكيات ودعم وتقويم وترفيه ومرح محتاجين مثل اعلى وقدوة يتعلموا منه ويقلدوه وحاجات كتير تانى اكبر من مجرد الرعايةالحاجات دى الأب ليه دور مهم وكبير قوى فيها مع الام في البيت إلى جانب المدرسين في المدرسة كمانقال رسول الله صلى الله عليه وسلم : (أَلَا كُلُّكُمْ رَاعٍ ، وَكُلُّكُمْ مَسْئُولٌ عَنْ رَعِيَّتِهِ ، …….الحديث ) متفق عليهطيب ازاى تخلى جوزك يشبل معاكى المسئولية هقولك حاجات واختارى المناسب منهم ليكى ولشخصية جوزك / زودى الوعى عنده شوية بالمشاكل اللى ممكن تحصل بسبب عدم مشاركته المسئوليه / كل راجل عنده حاجة بتحفزه وتخليه يتحرك اعرفي ايه نقطه تحركه وركزى عليها وده هيساعده يتحرك / اعرفي الحافز اللى ممكن يشجعهفي رجالة بتحب الكلام الحلو والتشجيع المستمرورجالة تانيه بتتشجع لما تسهلى عليه العمل ويلاقيه خفيف وبيتعمل بسهولة وده بلاش تطلبي منه طلبات مركّبة … خليكى خفيف خفيف كدهورجالة تانيه بيحفزها الخوف من النتائج السيئة لافعالهشوفي ايه اللى بيحفزه واعمليه وده هيشجعه يتحرك ويتحمل مسئولياته / شوفي نموذج قريب منه لإنسان مسئول يكون بيحبه خال / عم / اخ واتكلمى عنه معاه وازاى بيدير شئون بيته واولاده وده هيساعدك في لفت انتباهه وبلاش مقارنة نهائي خليكى ظريفة / ابعدى تماماً عن النقد والاستهزاء والتفاخر والمنّ بلاش انا بعملك وبعملك …. ها بلاش / لما يبدأ يعمل اى حاجه جديده ماكانش بيعملها قبل كده يا ريت شوية تشجيع من غير مبالغة طبعاً مع كلمتين شكر حلوين ودعوة جميلة / لما تعملى حاجة وتكون من اختصاصاته عرفيه انك بتعمليها بداله علشان هو مشغول المره دى مثلاً وانك تتمنى ان المره الجايه يكون عنده وقت اكتر علشان يعملها بنفسه / يا ريت وانتوا قاعدين قعدة حلوة تشرحيله طبيعة عملك اثناء غيابه بدون شكوى ولا ضجر ومره مع مره هيقدّر تعبك و هيعرف ان الحياة لازم تكون مشاركة بينكم / عرفيه اد ايه انتى مبسوطه باللى بيعمله و ان الاولاد مبسوطين من مشاركته ليهم في نشاط مثلا او انه وصلهم للمدرسه او النادى ….. وافتحى معاه مجال للكلام والتواصل المستمر ومره مع مره هتوصلوا لطريقة مناسبة لتوزيع المهام بينكم / لو كل اللى فات مانفعش ( لا قدّر الله ) هنضطر نلجأ لطرف ثالث حكيم يكون بيحبه وبيقبل منه النصيحه ونخليه يتكلم معاه بمنتهى الصراحة وكلمة بينى وبينك كدهعايزاكى تعرفي ان التعديل والتغيير بيحتاج وقت فكونى الزوجة المُحبة الصّبورة وحاولى دايماً تعرضي عليه بدايل متنوعة للقيام بالاعمال وما تبالغيش في تفسير المشاركة ….. فهمانى طبعاً واولاً واخيراً عليكى بالدعاء والتضرع لله سبحانه وتعالى بتيسير الحال وصلاح البال و البركة في الزوج والعيالشاركينى في ال comments اية الحافز اللى بيفرق مع جوزك ويحركه ؟؟