سيبني الشغل او ما اشتغلتيش اصلا علشان تتفرغي للبيت والاولادسنه ورا التانيه لقيتى نفسك زهقانه ومتضايقه اغلب الوقتورغم انك مشغولة طول اليوم بادارة البيت وتربية الاولاد ومحتاجه ليومين فوق يومكإلاّ انك بتعانى من الملل ونفسك في اى فرصة تخرجى فيها من البيت وبتحسي برتابه وعزلهفقدتى الاهتمام بالانشطه والهوايات وفوق ده كله بتحسي بالارهاق والتعب على طولشغل الببت من كتر تكراره مابقتيش بتفكرى في تفاصيله بتعمليه بلا وعى وبقه شيء ممل سخيف متكرر بلا نهايةعندك نقص في الطاقة وفقدان للشغف ومشاعر يأس وفراغ رغم مسئولياتك و التزاماتكحاولتى تملى وقتك وتقتلى الملل بالتليفزيون والتليفون والمسلسلات والفيس والواتس و……..مافيش فايدهعايزه اقولك ان دى اعراض مرض ذُكر في مراجع الطب النفسي اسمة مرض ” ربات البيوت ” ما تستغربيش ….اسمه كده فعلاًاعراضه اللى قالوها علماء الطب النفسي نفس اللى انتى حساه دلوقتى كده بالظبط ؛الشعور بالارهاق / مشاعر حزن ويأس / شعور بالفراغ /الشعور بالعزلة والملل / عدم الاقبال على الاعمال المنزليه معاناة وآلام جسدية غامضة ومتكرره مرة في المعدة ومرة في الظهر ومرة صداع في الراسده غير نقص الطاقة وصعوبة التركيز والتذكر وعليهم شوية تغييرات في الشهية والوزن سمعاكى ……. بتقولى ادى آخرة القعدة في البيت بس ما تقلقيش على نفسك قوى كده … كل مرض وله علاج بفضل الله الاول نعرف اسبابه : العلماء قالوا انه بيجي نتيجة احساس سلبي عند ربات البيوت بعدم الرضا وعدم الاشباع نتيجة للرتابة والملل وكمان بسبب وجود انخفاض في مستوى التحفيز العقلي مع قلة النشاطات الترفيهيه وشوية نقص وعى ذاتى لدى ربات البيوت مع سوء تقدير ادراك الوقتطب والحل ….. العلاج فين العلاج هنا مش روشته هتصرفيها من الصيدليهالعلاج هنا سلوكيات وعادات هتكتسبيها ومع الوقت كل الاعراض هتنتهى بإذن الله كونى فخورة بقرارك فالتطور المعنوى الذى تقدمينه لاولادك مهم كأهمية المال واكتر في بعض الاحيانالحاجات المعنوية مش بتبان ولا بتتقاس كل شهر زى المرتب بس بيظهر مردودها على اولادك في المستقبل بصي للجانب الإيجابي بتقعدى مع اولادك اد ايه المده الطويلة دى بتديكى فرصة اوسع لتعليمهم مبادئ الحب والتقدير والاحتواء وتمارسي العادات الدينيه معاهم وتزرعى فيهم قيم كتير بتحتاج لوقت وتكرار واستمرار علشان تثبت جواهم وده بيساعدك تحافظي على التوازن النفسي والعاطفي ليهم . مين قال انك مش موظفة انتى أم بدوام كامل ووظيفة دائمة ٢٤-٧-٣٠-١٢ بلا اجازات مرضيه ولا اعتياديه ولا عارضه حتى انتى بالنسبة ليهم خبيرة تغذية ومُعلمة ومُوجهه ومُرشدة واستشارى نفسي كمان ولكن … احذرى من الاعتناء الزائد عن الحد.حلو قوى انك تعوديهم الاستقلالية وتحمل المسئوليهوتعلميهم فن المحادثة والمهارات الاجتماعية ومهارة اخذ القرار والمثابرة والنظافة والنظام والمساعدة في المهام المنزلية على اد اللى يقدروا عليه ……. ما ننساش اهم وظيفة وظيفتك كزوجة وسكن وداعمة ومُشجعه لزوجك علشان يقدر يشوف شغله ومسئولياتهوكمان خبيرة علاقات معاه ومع الاهل والاصحاب والمعارف والجيران اللى زوجك مش بيلاقى وقت بسبب العمل طول اليوم انه ينظم العلاقات دى ويقوم بالواجبات الاجتماعية المطلوبة منكم كاسرة تنتمى لعائلة كبيره ومجتمع اكبر . قعدة البيت مش معناها فوضى وانتخةبيكون عندك شغل كتير بس القعدة في البيت بتحسسك بأريحيه وإن الوقت طويل وعلشان كدة الوقت بيضيع وبينتهى بتأنيب ضميرخدى بالك من تنظيم وقتك و اعملى جدول للمهام الصغيره قبل الكبيرة سواء داخل البيت كاعداد الطعام او خارجه كالمشتريات مثلاً تقدرى تشتغلى من البيت ان سمحت الظروف ممكن تعملى شغل فرى لانس تبع مجال تخصصك اعرفي انه حتى لو معاكى فلوس كتير او جوزك مش منقصك حاجه مهم يكون في حاجة في حياتك تدر عليكى دخل ولو بسيط لان ده هيخليكى تقربي اكتر من شغفكو الانترنت سهّل العمل قوى دلوقتى والكورونا سهلته اكتر كماناخلقي لنفسك فرصة شغل على حسب ظروفك واشتغلى عند نفسك احنا بنحس بوجودنا الحقيقي لما بنقدم خدمة لنفسنا والآخرين . ودى اجمل واحلى نقطه وعلشان كده بنقسمها لثلاث نقاط فرعية :اولاً : افعلى ما تحبي … المتعة بتحارب الملل مارسي الامتنان على كل النعم بصفة يومية استمتعى بمشروبك المفضل شاهدى برنامج محبب اليكى او فيلم كوميدى من فترة لاخرى رتبي خروجه مع صديقاتك ربي حيوان أليف قطط / سمك / عصافير …. اتعلمى الزرع واعتنى بزرعك وشاهدية يكبر امامك اتصلى بالطبيعة بحر / شجر / قعدة على النيل …. جربي مطعم جديداو اكلة جديدة غريبة ساعدى حد محتاج مساعدة تعرفيه او لأ اسعديه هتسعدى اكسري الرتابه والملل بعمل اى حاجة بتحبيها وخصصي ليها وقت في جدولك اليومى او الاسبوعى او الشهرى على حسب ظروفك .ثانياً : اتعلمى الاسترخاء …… مارسي التأمل التأمل بيعيد شحن طاقتك من جديد بيلهمك فرص كتيرة لم تدركى وجودها استمتعى بحمام دافيء دون التفكير في اى شيء ستشعرين براحة نفسية مدهشه .ثالثاً : مارسي هوايه …… ممارسة هواية يخلق تجدد في الحياة مارسي هوايتك المفضلة او تعلمى هواية جديدة رسم / تلوين/ قراءة / شطرنج / شوبنج / اعمال يدوية … اكتبي مذكراتك اهدافك خططك انجازاتك …… مارسي رياضة المشي واى رياضة اخرى للحفاظ على رشاقة الجسم اعملى كل يوم حاجة جديدة مهما كانت بسيطة جددى اهدافك كل فترة وفعّلى الحب والتسامح لتسعدى قلتلك كل افكارى اتمنى تشاركينى في التعليقات بافكارك بتكسري الملل ازاى ؟؟؟