١٠ حاجات محتاجه تشاركيها مع جوزك في رمضانحاجات بسيطه وسهله حلو قوى نشاركها مع بعض في رمضان قلت الحق اقولهالكم كده من اول رمضان ….. الافطار مع بعض خليكى حريصه انكم تفطروا مع بعض .. رجاله كتير بيتأخروا في الطريق وبيجيوا متأخر عن الفطار شويه حاولى تستنيه انتى والاولاد الشويه دول بيفرق معاه قوى الموضوع ده بيحس بالتقدير اكتر والاولاد بيستمتعوا بالجو الاسرى وبيبقى احلى ما تاكلوا وهو يجي متأخر ياكل لوحده او يحصلكم اعملى مود للسحورخلى السحور يبقى حاجه ممتعه ونطلع من فكره انا هصحى علشان آكل رجاله كتير مش بتحب تقطع نومها وتصحى تتسحر علشان كده دورى على فكره تخليه يحب يصحى يتسحرزى مثلا … انك تغيري مكان السحور وميبقاش نفس المكان اللى بتفطروا فيهاو تشوفى حاجه بيحب يسمعها وتشغليها وقت السحوراو انكم تتكلموا في حاجه محببه ليكم وتكون زى سلسله كل يوم حلقه على السحورجددى افكارك وخليه يحب يصحى متشوق يعرف عامله ايه النهارده جديد صلوا المغرب مع بعض جماعهرجاله كتير مش بتصلى المغرب في المسجد علشان الافطارفلو مش هيصلى في المسجد خليه يصلى بيكم جماعهالموضوع ده حلو قوى وبيزود الترابط الاسرى قوى افطروا بره البيت ولو مره واحده في الشهربس مش عند حد … افطروا في اى مكان بتحبوا تتغدوا فيه في الايام العاديهويا سلام كمان لو نطمع ونعمل يوم تانى سحور بره يبقى حاجه حلوه قوى اشتركوا مع بعض في صدقهسواء افطار صائمين او توزيع شنط رمضان وخلى كل اللى في البيت يشارك هتحسي بفرحة الاولاد وهتفرحى مع جوزك بالموضوع ده قوىوالافكار كتير زى مثلا تزودى حاجه بسيطه على اكلك اليومى وتعملى وجبه وتخلى زوجك يديها لسايس الجراج او الامن او البواب مثلااو لو اكل زاد عن الفطار اعمليه على وجبه او اتنين واديهوله وهو نازل صلاة التراويح يتصدق بيه لحد غلبان يشوفه في طريقه خلى زوجك يشارك معاكى في عمل الفطارطبعا لو جه بدرى شويه وماكانش تعبان ممكن ابسط الاشياء زى مثلايعمل العصير او يصب العصير في الاكوابيقطع السلطهيرص الاطباق على السفرهيرص الحلو او الفاكهه في السرفيس لبعد الافطارحاجات كتير بسيطه ومش متعبه ممكن يعملها ولو مرتاح او اجازه في يوم ممكن يعمل حاجات اكبر هتحسوا بسعاده في المشاركه وهتتكلموا وانتوا بتشتغلوا مع بعض و هتكونوا ذكريات حلوه لاولادكم هيفتكروها طول العمرانا شخصياً لحد يومنا هذا بفتكر بابا ( رحمة الله عليه ) وهو بيجهز الخشاف وبيقول مين بيحب المشمشيه اكتر ومين عايز بلح زياده وكان بيحب جدا يعمل السلطه بايده ويحطها اول طبق على السفره صلوا التراويح مع بعض مره كل اسبوعكلنا رمضان اللى فات في حظر كورونا كنا مبسوطين من فكرة تجمعنا في البيت لصلاة التروايحرمضان ده الحمد لله المساجد فتحت بس ممكن تتفقوا على يوم واحد في الاسبوع تصلوا التراويح مع بعضحلو قوى انكم تتجمعوا ومعاكم اولادكم للصلاة والاب يقعد الجلسه اللى في النص يدى درس بسيط وترجعوا تكملوا الصلاة هتتبسطوا قوى وهتلاقوا بركة في البيت جميله اعملوا مقرأة للقرآن ولو مره اسبوعياًطول الشهر بنقرا قرآن بس حلو قوى لما نتجمع ونقرا مع بعض ونتكلم في معانى الايات واسباب النزول بتحاوطنا الملائكة وتنزل علينا السكينه ويذكرنا الله فيمن عندهالموضوع ده جميل قوى ويا سلام لو كترنا منه اتفرجوا على البركات والرحمات اللى هتنزل على بيتكم الترتيب لليلة القدرالليله دى خير من الف شهر ما ينفعش تعدى كده زى اى ليلهعلشان ندركها نهتم اهتمام زائد بالعشر الاواخرعايزين مع بعض نحس ان العشره دول غير العشرين الاوائليعنى نزود في كل حاجه صلاة وقيام وقرآن وصدقة وذكر وصلة رحم واستغفار وتسبيح…… الترتيب لفسحة العيدنرتب بقه للفرحة الكبيره مع بعضفرحتنا بيوم الفطر … فرحتنا الاولى بصيامناالفرحة الثانيه عند لقاء المولى عز وجل ونُكافأ على صيام رمضان فرحة العيد واللبس الجديد والعيديه الجديدةاتحرمنا بسبب الكورونا من الخروج مع الاهل والاحبابزيارة الاقارب والتجمع مع الاصحاب بس ممكن نرتب خروجه لمكان مفتوح واخذ الاحتياطات اللازمه علشان تكمل فرحتنا بالعيد مع بعضربنا يجعل ايامكم كلها افراح واعياد ورضا وسعاده وطاعات لو عندكم افكار تانيه جديده مختلفه شاركونى بيها في الكومنتات