تعالوا نتعرف على لصوص الوقت ……ايوه لصوص الوقت كتير منا وقته بيضيع ويومه بيجرى ومش عارف بيضيع ازاى ولا ليه …. هنتكلم هنا على اهم عناصر بتسرق مننا الوقت1 / المماطله والتأجيل المماطله انك تأجل لبكره اللى المفروض تعمله النهارده وكل ما يجي بكره تأجل …. بالظبط زى الاغنيه ويجي بكره اقولك بكره2 / الخلط بين الامور إذا كان في حاجات كتير ولازم تتعمل كلها في نفس الوقت وحاسين اننا متلغبطين ومش عارفين نبدأ بأيه ولا بأيه هتكون النتيجه اننا هنتبرجل ومش هنعمل اى حاجه منهم3 / انت شخصياً ايوه انت لما تكون بتعمل حاجه وتتوقف عنها علشان مكالمه تليفون ولا تقاطع عملك بحاجه تانيه كده انت بتعطله وتأخره4 / عدم قدرتك على الرفضلما تكون بتعمل حاجه مهمه ويجي صديق يطلب منك الخروج مثلا فتعطل عملك وتخرج معاه شيء جميل انك تكون اجتماعي بس من غير ما تأثر على اعمالك المهمهاتعلم ترفض وتقول لأ لما تكون مشغول5 / المقاطعات الذهنيه تكون بتعمل حاجه مهمه وتيجى مكالمه تشتت ذهنك او يمر عليك صديق بدون موعد فيضيع الوقت منك6 / التخطيط الغير واقعىانك متعرفش تحدد الوقت اللازم للعمل فتحدد وقت قليل لعمل يحتاج وقت كبير وده هيضيع الوقت لانك مش هتقدر تنهى العمل في الوقت اللى حددته7 / المجهود المكرر في وسط ما بتعمل حاجه تقرر انك تسيبها وتعمل حاجه تانيه وبعد فتره ترجع تانى علشان تكمل اللى كنت بتعمله قبل كده وده بيخليك تقضى وقت مضاعف ومجهود مضاعف علشان تخلص العمل8 / عدم النظاملو انت مش منظم وقتك هيضيع هيضيع في البحث عن الاوراق اللى مش في مكانهاهيضيع في البحث عن المفاتيح بتاعه السياره او المنزل لما تيجى تنزل لانها برضه مش في مكانهاإذا كان كل شيء في مكانه ده هيوفر الوقت وهيريحك كمان من جهد البحث …….دى تقريبا اكتر حاجات بتضيع الوقت ولو عايزين تضيفوا حاجه كمان يا ريت تكتبوها في الكومنتات تسعدنا مشاركتكم دمتم بسعاده #حنان_بنت_عطيه

22