جميل انك تحس بانك طاير في السما وحلو قوى الاحساس بالطيران بس الاحلى و الاجمل الشعور بالحرية الحرية في كل حاجه الحرية في الاختيار بين الحاجات والافكار والامور والاشخاص الحرية في اختيار المشاعر اللى عايزه اشعر بيها الحرية في الرفض وانى اقدّر وقت ما احب اقول لأ الحرية في التعبير عن نفسي وعن مشاعرى بالقول والفعل الحرية في عمل اللى عايزاه في الوقت اللى عايزاه بالطريقه اللى تناسبني مادامت لا تتعارض مع دينى وقيمى ومبادئي ومشاعرى وراحتى وافكارى ومعتقداتى انا ( مش حد تانى ) دراستى لعلم النفس الإيجابي وبعده لعلم المشاعر والاتزان العاطفي غيروا فيّا حاجات كتير قوىوعلمونى حاجات اكتر واكتر عرفت معنى المشاعر بعمق شديد وانها من اكبر النعم اللى ربنا انعم علينا بيهاوحتى المخلوقات الاخرى عندهم مشاعر فالحيوانات مثلاً عندهم مشاعر بينهم وبين بعضهم وكمان بينهم وبين البشر المشاعر لغة موحدة بين كل البشر بمختلف جنسياتهم ولغاتهم ومش محتاجة ترجمة المشاعر كلها مفيدة الإيجابي منها والسلبي الإيجابي مفيد علشان نعيش السعادة والرفاهيهوالسلبي في منها اللى بيخلينا نحافظ على انفسنا زى الخوفلولا الخوف كان الانسان مات من اى خطر دون الدفاع او الفرار والابتعاد عن مصدر الخطرومنها اللى بيدفعنا اننا نغير الوضع للافضل زى الغضب الغضب بيخلينا نثور وطبعا رسولنا الكريم نهانا عن الغضب وقال صلى الله عليه وسلم : ” لا تغضب ” وكررها ثلاثاكما امرنا بالوضوء حين الغضب او تغيير وضع الجسم فمثلاً اذا كنت واقف اقعد…… وده طبعا علشان اهدىبس الغضب لو حصل وهديت بعديه بيدفعنى انى اغير الامر كله للافضل حتى لا يتكرر الغضب مره اخرىومنها اللى بيعلمنى زى الفشل او الاخفاقلما اعمل حاجه وما انجحش بعرف وبتعلم ان الطريقه دى مش صح واجرب طريقه تانيه كل المشاعر بتعلمنا وبتفيدنا بس المهم نعرف ازاى نتعامل معاهاوده اللى اتعلمناه في الاتزان العاطفي وبنحاول نعلمه لغيرنا علشان الفايدة تَعُم مش بردو ( زكاة العلم نشره ) وانا طايره في الصوره كنت مبسوطه قوى قوى قوىورغم انى طرت حوالى ١٠ دقايق او اقل إلّا انى استعرضت فيهم حياتى كلهاوفكرت كانت حياتى ازاى قبل ٨ سنين من دلوقتى وبقت ايه دلوقتى الحمد لله حياتى كلها جميلة من اول ما وعيت على الدنيا بس اخر كام سنه دول حسيتهم اجمل سنين عمرى حقيقي ولسه بإذن الله اللى جاى احلى واحلى يا رب وانا طايره جاتلى فكرة البوست ده وكمان افتكرت اغنيه قديمة اسمها انا طير في السما لإيمان البحر درويشكنت حاسه بيها قوى وانا فوق وكنت برددها وبالاخص الجزء دهانا طير طيّار … عدّيت اسوارحطّمت جدار ونزلت بحاروطلعت نهار من ليل جبارده العمر عمار في القلب خضارمش عين في الجنه وعين في النارولا تحزن يوم لأ متبسمهاجمل حاجه في الدنيا انك تحس بالنهار بعد الليل شديد السواد

تشوف النور بعد الضلمه …. مش العلم نور بردو ربي زدنى علما و ارزقنى البصر والبصيره قولولى بقه ايه الافكار اللى نوّرت في دماغكم بعد البوست ده ؟؟