انا خلاااااااص هتجنن ….بقيت بكلم نفسي طول الوقت جوزى بيتكلم وبيضحك مع طوب الأرض بره البيت وبيتخرس جوه البيت حاسة ان في حيطة ثلج بينى وبينه طيرت الدفا اللى كان بنافقدت الاحساس بالاشياء واتعودت على الصمت القاتلكل شوية اقول فترة وهتعدى ومابتعديش صمت طويل بلا دفء ولا مشاعر ولا شغف قدام الناس اسعد زوجين وكل واحد سايب التانى فترة طويلة مع اصحابه لدرجة انه ما بيكلمنيش يسألنى انتى راجعة امته قال يعنى بيدينى مساحة من الحرية بس الحقيقه اننا بنتجنب بعض وبنتجنب مواجهة الخطرحاجات كتييييير قوى كل واحد ما يعرفهاش عن التانىوده طبيعى بعد ما بطلنا نتشارك في الاهتمامات كأننا خلاص ما مابقناش شركاء حاولت كتير اتكلم واحكى معاه وارجّع التواصل بنا وهو بيعتبر كل محاولاتى ساذجه او مش في وقتها الكلام ده شكوى متكرره من زوجات كتييييير بسمعها اثناء جلسات الكوتشينجعلم النفس بيقول ان في مرض خبيث بيغزو مفاصل الحياة الزوجية وخبيث معناه انه مش بنشوفه بس بنحس باعراضة بعد ما بيتفاقم للأسف ويشكل خطر على حياة هذة العلاقة بيسموه الطلاق الصامت او الخرس الزوجى او الطلاق العاطفي او الصمت الزوجىمش مهم اسمه ايه المهم ان احساس الزوجات ده هو بالظبط اعراضهوليه اسباب كتير …… منها الشخصي يعنى الزوج طبيعة شخصيتة بيحب الصمت او انطوائي مثلااو انه عاش واتربى في بيت فيه خرس زوجى فاتعود على كده او ان الزوجين بينهم اختلاف في الثقافات والاهتماماتاو ان الزوج بيهمل كلام زوجته ومابيسمعلهاش من اساسه ومنها الاجتماعى زى قلة الكفاءة ( ضعف التأهيل لمسئوليات الزواج)او كثرة الخلافات بين الزوجين وافتقارهم للتواصلاو الانشغال بالتواصل مع الآخرين عبر اجهزة ووسائل التواصل الاجتماعى فمبقاش عنده وقت للتواصل داخل البيت ومنها السياسي زى الهموم والمشاكل الاقتصاديه والضغوط المعيشيه او الارهاب السياسي اللى بيحاول يقنع الافراد ان الصمت اسلم او ان الصبر افضل من محاولة التغيير أياً ما كانت الاسباب ازاى اعالج الموضوع ده جمعتلكم بعض الحلول في ٧ نقاط ….. العلاقة الزوجية زى اى حاجة في الحياة بتحتاج مجهود ورعاية وعناية علشان تستمر نعزز ثقافة التواصل الفعّال نخصص وقت للكلام مع بعض يومياًنفتح اى حوارات عامة او خاصة نقول نكته او نحكى حكاية حصلت اثناء اليوم….. نتعلم فن الحوار واهميته ونختار افضل العبارات واحسنها ربنا سبحانه وتعالى قال : ” وقل لعبادى يقولوا التى هى أحسن ” نعزز الاحترام المتبادل بنا وبلاش المقارنات والهجوم والدفاع يبقى اسلوب حياتنا ونبعد عن اللوم والتوبيخ والاستهزاء بالافكار مهما كانت بسيطه محاولة التعبير عن المشاعر بكل الطرق ( لفظية و مادية وحسية …..)بلاش تبخلى بعواطفك وانتى اصل العواطف الست بطبعها بتحب الحب وبتحب تتحب عبرى عن دهكلمة حلوة من وقت للتانى .. رسالة في وقت غير متوقع .. هدية بدون مناسبة .. نظرة حنونة في وقت ارهاقه .. او حتى كوباية لمون حلوه في وقت زعله وغضبه تروق دمه ههههههه خليكى كيريتيف في نفسك كده رسم القلب لما بيبقى طالع نازل ( مؤثر بيحصل وعلى حسب قوته وشدته بيكون رد الفعل ويحصل تأثير وشوية ويقل ويجى مؤثر تانى ويحصل تأثير وهكذا ….) وده معناها ان القلب شغال وان الانسان عايش وهى دى حياتنا وعلاقاتنا عايزة كل شوية مؤثر جديد متنوع وقوته وشدته مختلفه وبالتالى رد الفعل هيكون مختلف ويحصل تأثير مختلف وما يبقاش في ملل ولا رتابه لان زى ما رسم القلب لو بقه خط واحد مستقيم هيبقى القلب وقف والانسان ماتبردو علاقتنا لو بقت على وتيرة واحدة دون مؤثرات ولا تأثرات هتبقى العلاقة وقفت والحياة بين الزوجين ماتت رغم انهم عايشين اكلينيكياًنوعى في المؤثرات وزودى قوتها لو لاقيتى الاستجابة غير مرضية ليكى واعرفي ان الامتنان و الحب و احترام خصوصية الرجل و تقدير تعبه خارج البيت وان البيت مكان راحته وان الرجل هو قائد المركب او ربّان السفينه فحافظى على سفينة حياتكم لحد ما توصلوا مع بعض لبر الامان تعزيز المشاركة وده مش معناه مشاركة المسئوليات بس لأ عايزين مشاركة الاهتمامات بردوشوفى جوزك بيحب ايه وشاركيه فيه انا مثلا مش بحب اتفرج على ماتشات كرة القدم بس مافيش مانع خالص انى اشوف مباراة كامله علشان جوزى بيحب جدا يتفرج عليها علشان اكون جمبه واشاركه وهو عارف ده وبيقدّرهوانا كمان بقدّر جداً مثلا انه بيروح معانا لمطاعم البيتزا وبياكل بيتزا رغم انه مش بيميل ليها او مش بيفضل اكلها بس اد ايه بنبقى مبسوطين انا والاولاد انه بيشاركنا الاكل بحب حقيقى لينا طبعا مش للبيتزاعايزاكى تعرفي ان من صميم الإيمان بناء علاقة الحب بين الزوجينوان الطلاق الصامت قد لا يؤدى إلى الطلاق القانونى وقد لا يشعر به الاولاد لكن الأكيد انه ليس نموذج جيد للزواج الصحى والمثالى ليكم دلوقتى ولا للأولاد في حياتهم المستقبليةشاركينا في ال comments لو عندك طرق تانية لحل المشكلة