مشاعري الانثوية خربت بيتى …………..كلمة بدأت بيها عميلة عندى وهى بتقولي مشكلتها النهاردة في جلسة الصبحبصراحة الكلمة صدمتنى جداً بس كالعادة قلت اسمع للآخر …قالتلى من فترة بدأت اسمع عن المشاعر الانثوية والذكورية واقرا عنهم وبدأت انتبه لمشاعرى لقيتنى كنت بشعر بمشاعر ذكورية كتير وكانت مشاكلى مع جوزى بردو كتيرقلت اغيّر وبدأت اقفش مشاعرى لو لقيتها ذكورية بسرعة احوّلها واعيش كانثىبينى وبينك كنت سعيدة قوى وحاسة بشعور مريح جداً جدا ًوقلت الموضوع ده كان فين من زمانالواحد ضاع عمره وهو حاجة كدة مش باينلها ملامح بس اللى حصل بعد كدة كان مصيبة كبيرةكنت فاكرة ان مشاكلى مع جوزى كانت علشان احنا راجلين في البيت وانه عايزنى اكون انثىواللى لقيته وصدمنى ان جوزى بيتبنى مشاعر انثوية كتيرودلوقتى احنا بقينا اتنين ستات في البيت بينى وبينكم انا ضحكت وهيّ كمان ضحكت قالتلى شر البليّة ما يضحك فعلا كمّلت كلامها وقالتلى مابقتش ضايقة افعاله بقيت عايزة اصرخ فيه واقوله استرجل ده انا لما حبيت اكون راجل كنت ارجل منكدلوقتى انا عايزاكى تشتغلى مع جوزى قلتلها انا مش بشتغل مع الرجاله بحوّلهم لناس تانية انا بثق فيهم بس هو اللى يكون عايزقالتلى هو لو ما اتظبطش انا مش ممكن اكمّل معاهوالله مش هبقى طايقه قوليلي اعمل ايه؟؟لا انا بقيت اعرف اشعر كراجل تانى لان الوضع كان تاعبنىولا عارفة اشعر كأنثى ومالقيش معايا ذكر انا بحب جوزى وعايزاه وعارفة انى لمّا اخترته كان راجل وسيد الرجاله زى ما انا كنت ست الستاتبس يمكن الظروف والمشاكل وضغوط الحياة اللى خلتنى اتغيّر في الاول هيّ بردو اللى غيّرتهعايزة زى ما انا رجعت لانوثتى هوّ يرجع لذكورته لانى بحبه ومش عايزه اخسره انا طبعاً استأذنت العميلة انى هحكى قصتها بدون ذكر الاسم طبعاً لان موضوعها فكّرنى بحاجة حصلت في احدى قرى الصعيد المصريجمعية تنيمة مجتمع عملت كورسات للتنمية وتطوير الذات في القريةطبعاً اللى اتقدموا كانوا كلهم بنات لان الرجالة مش فاضية من الشغل والعمل بالزراعةوبعد سنتين ثلاثه القرية بقت تشتكى من عنوسة البنات نزلوا في بحث ميدانى واتكلموا مع البنات كلهم بالاجماع قالوا مش لاقين رجّاله نتجوزهمكل عريس يجي الاقي دماغه فاضية زى بلاص المشطيب اتجوزه ازاى؟؟؟ وده خلاهم اكتشفوا ان الوعى من جانب واحد مشكلة كبيرة قوىنزلوا عملوا كورسات مجانية للشباب على قهاوى القرية بعد المغرب يومياً وكانوا بيوزعوا عليهم جوائز تشجيعية وده عدل الدنيا شويةعايزين نخلى الوعي مشترك وبلاش يبقى من جانب واحدالست اللى تعرف حاجة تقولها لجوزها وتحكيها لاولادهاهتاخد ثواب نشر العلم وهتحمي بيتها من ان تحصل فجوة كبيرة بينها وبين جوزهاوانتى طالعه سلم التوعية خدي بايده معاكىده بردو جوزك وحبيبك وابو اولادك وبيشتغل وبيطلع عينه في الشغل علشانكموعلى الله التُكال يمكن يتعدل اللى مال ومش لازم نحكى ونرغي كتير ونصدّعهمزى ما كل يوم بتقوليله هات عيش معاك وانت جاىاتعلمي ازاى تديله البرييف في رغيف