Listen With Your Heart اسمعي بقلبك اسمعي قلبك بيقول ايه وبصي حواليكىالصوت ده يفهمه اللى عاش الغراماسمعيه بقلبك هتحسيه قوامنصيحه سمعتها زمان من الشجرة في فيلم بوكاهنتسمن يوم ما سمعتها وانا بحب اسمع لقلبي واللى حواليا بسمعه بردو بقلبي
وانا ماشية في نهر الحياة كل ما اقف عند مفترق قدام طريقين اسمع لقلبي واعرف همشي وراه على فين 
كتير كنت بسمع ان القلب ده بيجيب ورا وكتير قابلت اللى حذّرنى لكن فضلت زى ما انا ما اتغيرتش مش علشان حاجة غير انى معرفتش
كل ما اكبر شوية واتعلم اكتر شوية اتمسك بالموضوع ده اكتر واكترعرفت لما قريت في القرآن ان ربنا سبحانه وتعالى قال : “افلم يسيروا في الأرض فتكون لهم قلوب يعقلون بها …….وآخر الآيه …. ولكن تعمى القلوب التى في الصدور ” في سورة الحج آيه ٤٦ ربنا أكد كمان على مكان القلب اللى في الصدروفي سورة الانعام آيه ١٧٩ قال تعالى : “لهم قلوب لا يفقهون بها ” يعنى القلب مركز الفهم والفقه والادراك والتعقل لقيت نفسي بقول يا سلااااام انا صح 
ولما كبرت اكتر درست المشاعر وعرفت ان مكانها القلبالقسوة واللين وغيرها بيكونوا في القلب وحتى الخوففي سورة الزمر آيه ٢٢ قال تعالى : “فويل للقاسية قلوبهم من ذكر الله” والآيه اللى بعدها على طول قال تعالى : “ثم تلين جلودهم وقلوبهم إلى ذكر الله “وفي ثانى آيه في سورة الحشر قال تعالى :”وقذف في قلوبهم الرعب “وعرفت ان ابحاث طبيه كتيره اثبتت ان كل خلية من خلايا القلب تشكل مستودع للمعلومات والاحداثوان افضل علاج للقلب هو ذكر الله سبحانه وتعالى “الذين ءآمنوا وتطمئن قلوبهم بذكر الله ألا بذكر الله تطمئن القلوب”الرعد ٢٨آخر حاجة عرفتها ان كل شعور مريح للقلب هو شعور فطرى سليم واى شعور بشعر بيه وما يكونش مريح لقلبي بيكون على عكس فطرتى اللى ربنا سبحانه وتعالى فطرنى عليها ( كل واحد على حسب جنسه ) اصلي كمان عرفت ان في مشاعر انثويه فطرية وفي مشاعر ذكورية فطرية (طلع الموضوع كبير قوى وواعر كمان)ولقيت في مواضع تانيه ربنا سبحانه وتعالى ربط بين القلب والعلم والسمع فقال تعالى :”وطبع الله على قلوبهم فهم لا يعلمون “التوبه ٩٣وقال :” ونطبع على قلوبهم فهم لا يسمعون ” الاعراف ١٠٠ياللى بتنصحونى ما اسمعش لقلبي قولولى ازاى ما اسمعلهوش وهو اكتر مكان في جسمى فيه معلومات حقيقة صادقةوبعد ما عرفت ان ربنا سبحانه وتعالى خلى المنطقة المسئولة عن الكذب والخطأ (مركز الكذب) في منطقة الناصية في اعلى مقدمة الدماغ ووصفها “ناصية كاذبة خاطئة” العلق١٦فعندما يكذب الانسان بلسانه فانه يقول عكس ما يختزنه قلبه من معلومات فقال تعالى :”يقولون بألسنتهم ما ليس في قلوبهم “الفتح١١فاللسان يتحرك بامر الناصية في الدماغ و نزه الله القلب عن اى كذب واعلن ان القلب مكان الإيمان حين قال لرسولنا الكريم صلى الله عليه وسلم : ” يا أيها الرسول لا يحزنك الذين يسارعون في الكفر من الذين قالوا ءآمنا بأفواهم ولم تؤمن قلوبهم ” المائده٤١ازاى ما اسمعش لقلبي وما اقعدش ادعى ليل نهار ان ربنا يصلحه ليا وادعى بدعاء نبينا صلى الله عليه وسلم : (يا مقلب القلوب ثبت قلبي على دينك )
فقد قال صلى الله عليه وسلم : (ألا إن في الجسد مضغه إذا صلحت صلح الجسد كله وإذا فسدت فسد الجسد كله ألا وهى القلب ) صدق رسول الله صلى الله عليه وسلماسمعوا لقلوبكم هتعيشوا في سلام وامان ورضا وسعادة وإيمان مشاعركم جايه برسايل ليكم اسمعوها وافهموها ونفذوا اللى فيها هترتاحوا وتريحوا قلوبكمقولولى ايه آخر رسالة جت من قلوبكم ويا ترى نفذتوها ولا خالفتوها ؟
